Thusawiin Larsap chuan he kut hi ram chhunga kut hrang hrang zinga chhim chak tak a ni tih sawiin, chhim theia a awm chu vannei a intih thu a sawi a, hnam lam, hnam infiamna leh mahni hnambila thu leh hla neihte chu hmun danga hnam ziarang pho chhuaktu \ha ber a nih thu sawiin Hornbill festival pawh hemi atan thil \angkai tak niin a sawi a ni. Kummanam Rajasekharan chuan, Hornbill Festival chu Nagaland chhung chauh ni lo, a \henawm State hrang hrangah hriat hlawh tak leh hiptu a ni mek niin a sawi a, a hlawhtlinnaah entawn tur tam tak a awm nia sawiin Hornbill festival hmangtute chu duhsakna a hlan bawk.
Hornbill Festival hi tun thla ni 1 a\ang khan hman \an a ni a, \an a nih a\anga vawiin thlengin ram chhung leh pawn a\angin chhimtu mi 15,325 leh tualchhung mi 80,000 bawr vel an awm tawh a ni.
