Mizoram Kohhran Hruaitute Committee (MKHC) hotuten vawiin khan Larsap, Lt. Gen. Nirbhay Sharma chu a chenna, Raj Bhavan-ah an hmu a. Larsap chuan, Kohhran hruaitute chu khawtlanga dinhmun pawimawh tak chelhtu an nih thu hrilhin, Mizoramah hmasawnna ruhrel lian zawk din chhoh zel a nih dawn avangin ram pawn a\anga hnathawktu an lo luh loh nan \halaite zingah kut hnathawh zahawmna zau zawka zirtir nawn ngai a tih thu a sawi. Larsap chuan, Mizoram chu mihring awm zat a\anga teha India rama Cancer vei tamna ber a ni chu pawi a tih thu leh ruihhlo, zuk leh hmuam laka mipui an fihlim theih nana \an lakpuiah MKHC hruaitute a sawm a. Chite lui din thar leh tura \an lakna pawh thlawp turin a ngen bawk.
MKHC hruaitute chuan, kumina Assembly inthlanpui neih turah inthlanna thianghlim leh fel fai a awm theih nan zau zawka inzirtirna buatsaih an tum thu, Larsap chu an hrilh a. Mizo mipuiin kut hnathawh an hreh loh thu leh kut hnathawka eizawng pawh an pun chhoh zel thu an sawi bawk.
