Pu Zoramthanga chuan, Zoram mipuite dinhmun \haa hlangkai turin SEDP kalpui a ni dawn a, Health Care Scheme pawh tun hma aia changtlung leh \ha zawka kalpui a ni ang a ti a, nikum Assembly inthlan laiin Tuipuibari leh Marpara thlengin Campaign-in an kal tih a sawi a, kawng chhiat zia pawh a taka a hmuh thu sawiin hmalakna tur tam tak a awm nia a hriat thu a sawi a, hetihlai hian thla hnih thum lek chhunga Sorkarin hna a thawh dan an kawtkai ngeia hmutute chuan Congress kum 10 sorkar ai pawha thawk \ha zawkah MNF an ngai nia sawiin heihi Pu Lal Thanhawla huat zawng tak a tling ta hial a ni a ti
Pu Zoramthanga chuan, Lok Sabha inthlan lo awm tura an khingpui ber tur chu Congress nge ZPM Candidate tih pawh chiang lo leh eng party Candidate nge tih pawh hriat loh a ni a ti a, zu zawrh nasa taka sawiseltu ten zu zuar party an thawhpui leh si nia sawiin rem leh rem lova insawimawi tumah eptu party te a puh a ni.
Pu Zoramthanga hian an party MP Candidate Pu C Lalrosanga chu Parliament-ah pawh tawnhriat nei \ha tak, Pathian \ih mi leh rawngbawltu a ni a ti a, an khingpui ten beihna tur an hriat loh vanga au hla bera an hman CAB dodal kawngah pawh MNF party hmalakna zatve pawh eptute chuan an la ve lo niin a sawi.
