Mizoram Khadi & Village Industries Commission in kum 2011-17 chhungin mi 3857 hnenah PMEGP loan a pe. KVIC hotute hnen a\anga ZONET thudawn danin PMEGP loan diltu hi kum 2015-16 ah mi 1134 awm in an tam ber a, kum 2011-12 ah tlem berin mi 435 an awm a, kum 5 chhungin margin money cheng nuai 4629.84 pek chhuah a ni bawk. KVIC hotute chuan, PMEGP loan hmu tur hi District Task Force Committee in interview hmangin an thlang \hin tih an sawi a, loan hmu turin Bank a hmelhriat neih ngai anga mi\henkhat sawi chu thu dik tawk lo a nih thu sawiin hmelhriat neih aiin Bank in an rin zawng nih a ngaih thu an sawi. Zawhna chhangin KVIC hotute chuan, PMEGP loan la tu zingah rul \ha lo an tam thu an sawi a, hei hian loan dil thar tur tan harsatna a siam phah tih an sawi.
