Nimina PWD Secretary Pu JC Ramthanga’n PWD Annual Report 2018-19 a tlangzarh taka tarlan danin, Mizoram Road Fund Board hian kum 2018 April ni 11 khan chief executive officer enkawlna hnuaiah hna a thawk \an a, sorkar kum liam ta kum 2018-19 chhung khan Annual Maintenance Action Plan hnuaiah motor kawngpui kaihhnawih, retaining wall meter 915.60, breast wall meter 80.80 leh Gabion wall meter 457.00 siam a ni a, kawngpui thawm \hat hna, patch repair leh resurfacing \hahnem tak bakah HP culvert 6 siam a ni bawk.
Heng bakah hian Slab culvert 11 siam a ni a, PCC pavement KM 1.066 a thui leh tuihawk luankawr metre 413 a thui siam a ni a, PMGSY kawngpui siam sa KM 360 an enkawl bawk. Mizoram Road Fund Board hnathawh dan tur ruahmanna Maintenance Action plan part II chu kumin February ni 8 khan Chief Minister hova pawm a ni a, Rs nuai 1026.68 sengin hna chi hrang 108 thawh a ni ang.
