Mizoram kaltlanga ram dang nena insumdawnna kalpui mekah dan ang taka thil tih a nih theih nan Mizoram Import Export Code Holders’ Association-in nilaini a\ang khan Champhai a\anga Aizawl pan leh Aizawl a\anga Champhai lam pan tur lirthei kal reng reng dan phal loh bungrua an phur leh phurh loh an endik.

Mizoram Import Export Code Holders’ Association hian Act East Policy hmanga hmasawnna kalpui thleng mek chu Mizo mipui a tam thei ang berin an hlawkpui theih nan te, he hmalakna hi Zofate inpumkhatna tichhe zawng ni lova, \anrualna leh inunauna kawng sialtu a nih theih nan dik taka sumdawnna kalpui turte, sumdawngte hnen a\anga phuahchawp leh tukluih pawisa lak \hin tihtawp te, Zokhawthar a\anga Assam thlen hmaa pawisa tam tak chawi ngai leh pawisa chawina hmun Cash Memo pek chhuah loh tihtawp te, Transport Department hnuaia chhiah chawi inang  vek si, Champhai District Registration nei ve lo tan Foreign bungrua phurh ve theih loh tihtawp te, hnam dang sumdawngte tute emaw thurualpuia sumdawnna an kalpui mek tihtawp an phut a ni.