Mizoram Sawrkar leh IIM Calcutta Innovation Park thawh dunna hnuaia Mizoram Kailawn kalpui a ni chuan entrepreneurship leh sumdawnna kawngah Mizoramin hma a sawn phah hle a ni, a ti a. Mizo \halaite zingah entrepreneurship lama tui tak tak, mahni tui zawng hmanga eizawn tum, mi tum ruh leh beiseiawm tam tak an awm zel chu thil lawmawm tak a ni, a ti. Pu Lalnunmawia Chuaungo chuan, hlawhtling turin lehkha thiam chungchuang nih chu thil pawimawh ber a ni lo tih a sawi a, sumdawnna thinlung pua mahni thiam zawng leh tui zawnga eizawnna kawng dap thiam te, taimak, dawhtheih leh teirei peihte chu hlawhtlinna kawng zawhna atana thil pawimawh a ni tih hriat a ngai a ni, a ti.
Planning Secretary, MEDMOC Alternate Chairman ni bawk, Dr. C.Vanlalramsanga pawhin Mizoram Kailawn tum 3-na hawn tak chu \ha lehzuala kalpui tum a ni, a ti a. He hmalakna hnuaiah hian Mizoram Kailawn, Mizoram Rahbi leh Leitlangpui Rahbi kaltlangin kum 5 chhungin entreprenuers bul tantu mi 1,000 \anpui hman tum a nih thu a sawi.
