People’s Choice dawngtu hi Top 10 finalist-a tling nghal tur a nih avangin contestant leh anmahni buaipuitu te an \ang hle a, People’s Choice hi contestant-te social media fan interaction a\anga \hlan tur a ni a, February ni 6-a Miss Mizoram 2020 khuhhawnnaa neih ni a\anga chhiar \anin, contestant-te Instagram follower ngah dan te, Miss Mizoram Instagram page-a contestant ten like-tu an ngah dan te leh YouTube-a contestant-te video like-tu tam dan te chu tehna a hman a ni dawn a ni.
People’s Choice dawngtu hi intihsiakna hrang hrangah midang aia che \ha lo zawk leh point hmu hniam zawk a lo nih palh pawhin, Top 10 finalist a inhlangkai tur a nih avangin he sub-title dawngtu nih hi contestant te tan a hlu dawn hle a ni.
Miss Mizoram contestant te hian February ni 14, Valentine’s Day hian Gan Sabra leh Old Age Home an tlawh dawn a, Gan Sabra-ah hian naupang te zingah hun an hmang ang a, Old Age Home-a awm te pawh hun an hmanpui dawn a, heng hmun an tlawha an hun hman te chu zanlamah Zonet -ah tihchhuah nghal a ni ang.
Miss Mizoram contestant-te hian ethnic shoot an nei zo tawh a, hei hi TV episode-a tihchhuah tur a ni a, ethnic shoot hi Mizo photographer hriathlawh ber pawl Jeremy Hauhnar ho a neih a ni a, ramp-walk pawh Miss Mizoram 2017 Rody H Vanlalhriatpuii hoin an zir ngawrh hle bawk. Hei bakah hian grooming session dang pawh mithiam bikten an neih pui reng bawk a ni.
Miss Mizoram 2020 hi March ni 14 zanah grand finale neiin ‘Miss’ puan a ni ang a, chumi hma chuan contestant te chetvelna chi hrang hrang chu TV episode hrang hrangah Zonet chuan a tichhuak zel dawn a ni.
