Mizoram Journalist Association (MJA) leh Zonet Cable TV \angkawpin an buatsaih RFL Plastic Miss Mizoram 2020 Khuhhawnna chu nizan khan Aizawlah neih a ni ta a, a vawi khat nan Miss Mizoram stage-ah contestant 17 te a huhoin an inlan a, gromming session \an nghal a ni.

Miss Mizoram 2020 Khuhhawnnaah hian MJA President Pu Zonunsanga Khiangte chuan thu sawiin, contestant-te chu midangte entawn tlak ni turin a fuih a, an nitin khawsaknaah thil \ha lama midangte tih hmuhtu leh mite entawn ni turin a chah a, Miss Mizoram thlan hmasak ber 1983 a\anga tun thlenga hmasawnna thleng chu lawmawm a tih thu sawiin, contestant-te tan pawh ‘Miss’ thlannaa tel chu hlawkna tam tak a awm tawh a, eizawnna kawngah pawh kawngro a su thui tawh hle a ni a ti.

Khuhhawnnaah hian Miss Mizoram District te chu an ‘Miss crown’ leh sash te nen an inlan a, open audition a\anga final lut te nen contestant 17 te chu a vawikhat nan stage-ah Zoram mipui hmuh theih turin an inlan ta a ni.

Miss Mizoram 2020 hian thla khat leh a chanve vel zet a awh dawn a, March ni 14 zanah grand finale neiin ‘Miss’ puan a ni dawn a, chumi hma zawng chu contestant te hi an vir buai hle dawn a, gym session leh fitness dance class te neih \hin a ni ang a, photo session hrang hrang an nei deuh reng bawk ang. Grooming pawh \um dang zawng aiin uluk a ni a, session 10 neih tur a ni a, mithiam bik ten class an la \hin dawn a ni. An nalh lehzual theih nan te, an rilru leh ngaihtuahna thlenga chher hriam turin event hrang hrang a awm dawn a, chung te chu ZONET chuan TV episode hrang hrangah a ti chhuak \hin ang

Miss Mizoram 2020 contestant te hi an in-contest chhung zawnga cheitu tur, make-up artist (MUA) leh an thawmhnaw hak tur te buapuitu tur, designer bik awmin, team nga-ah \hen an ni a:

DINGDI TEAM-ah
Designer: Zodini, Magic Thread neitu leh
MUA: Lalruatkimi te an ni a, he team-a awm contestant te chu:

1. Lalmuansangi
2. Lalhriatchhungi Sailo
3. Lalramhlui Sailo
4. Ruth Lalrinfeli

SENHRI TEAM
Designer: C Lalhmingchhuanga, Buanga Chhangte, Bawngkawn
MUA: C Laldinpuii

1. Saizampuii
2. Abigail Lawmsangzuali
3. Fiona Lalthahlui
4. R. Lalsangzeli

NIHAWI TEAM
Designer: Malsawmdawngliani, Mesz Khangte dawr neitu
MUA: Zothanpari

1. Sarah Lalremruati
2. Zirsangpuii
3. Jecelyn Lynanokhai Solo

ZAMZO TEAM
Designer: Amtei, Queen Bee, Dawrpui
MUA: Vanlalhmangaihi

1. B Lalthuthlungthari
2. HS Ramdinthari
3. C Lalhmangaihzuali

AINAWN TEAM
Designer: CC Zarzoliani, CC Couture neitu, Zarkawt
MUA: Jennifer Lalnunmawii

1. Sylvia Lalvenpuii
2. Lalhnaihzuali Fanai
3. Zomuanpuii Fanai