Mizoram Journalist Association (MJA) General Headquarters hruaituten vawiin khan hruaitu thlan tharte hnenah mawhphurhna an hlan a. Aizawl Press Club-a Presidents’ Room-a inkhawmah President kalchhuak, Pu Vanlalrema Vantawl chuan President thar, Pu Zonunsanga Khiangte hnenah mawhphurhna a hlan a. Vice President kalchhuak, Pu Zonunsanga Khiangte-in Vice President thar, Pu R. Lalhmangaihzuala hnen leh Treasurer kalchhuak, Pu R.Lalhmangaihzuala’n Treasurer thar Pu Lalremsiama hnenah mawhphurhna a hlan a ni. Mawhphurhna inhlan paha thu sawiin, President kalchhuak, Pu Vanlalrema Vantawl chuan, MJA President a nih chhunga a thawhpuite leh member-te nen thawh hona \ha tak an nei chu lawmawm a tih thu a sawi a. MJA hi pressure group a nih loh thu leh tute emaw anga thil nawr vak vak chu an tan a himlo thei tih hre turin a chah a. Tun hnu zelah an pawl hruaitute chu Politics-a inhnamhnawihna nei lo leh pawl a inhmang, pawl \hatna duhtu ni zel thei se a duh thu a sawi bawk.
President thar, Pu Zonunsanga Khiangte pawhin pawl an kaihhruaina kawngah a tlin lohna leh fel lohnate sawisel mai lova thurawn pe \hin turin member te a ngen a. MJA khawmpuiin a lo rel tawh angin MJA member-te tana Provident Fund leh Retirement Benefit Scheme siam a nih theih nan theihtawp chhuaha hmalak a nih tur thu sawiin, MJA chu sorkar nen \ha taka thawhho zel an duh a, hetih rual hian a \ul a nih chuan sorkar khalh ngiltu leh sawiseltu a nih bakah fak a \ul hunah pawh an fak mai tur thu a sawi a ni. Puan tawh angin MJA hian tun thla ni 4 khan Aizawlah General Assembly an nei a, hetah hian kum 2018-20 chhunga hruaitu thar tur thlangin, heng mite hian vawiin khan mawhphurhna an inhlan a. President thar, Pu Zonunsanga Khiangte chuan, MJA dan buin thuneihna a pek angin vawiin vek khan MJA General Secretary atan Pu C. Lalhmachhuana bakah Executive member atan mi 5 – Pu A. Zotinkhuma, Pu C. Lalzamlova, Pu C. Lalduhawma, Pu Zohmingmawia leh Pu K. Zothankhuma a ruat nghal a ni.
