An inkawmhonaah hian Chief Secretary chuan Mizoram chu tun hmalama a lo tlawh tawh thu te, rambuaiin hun rei tak a hrek hnua State ralmuang tak a lo nih leh tak thu te sawiin, India ram State dangten an dil fo, mahse an hmuh ve theih loh “Peace Bonus” dawng thei hiala a awm chu a lawmpui thu a sawi a, Mizoramah inthlanna dik, felfai leh muanawm a awm \hin chu ropui a tih thu leh hetiang inthlanna nei thei tura hnathawh dan chu zirchian tlak nia a hriat thu a sawi a ni.
MJA Press Tour Team hian Sikkim I&PR Secretary, Pi Sherap Shenga te, Director, Pi Parinita Lama leh Officer dang nen Information Deptt. Conference Hall-ah inkawmhona an nei a, hetah hian Sikkim sorkar hnathawh dan leh hmachhawpte Secretary chuan a sawifiah a, Mizoram aiawhin I&PR Deptt.-a Media Officer, Pu Andrew H Lalremruata’n Mizoram chanchin leh hmasawnna tura hnathawh dan te a sawifiah bawk.
Press Tour Team hian vawiin khan Sikkim Chief Minister, Pawan Kumar Chamling leh I&PR Minister an kawm bakah Sikkim Press Club leh sorkar hmun pawimawhte an tlawh a, naktukah China ram luh theihna Nathu La pass an tlawh bawk ang.
