Pu R Lalhmangaihzuala hian taksa lamah insawiselna neuh neuh nei bawk mah se, nimin thleng khan a hna \ha takin ala thawk thei a, nizan pawh khan Diktawn Magazine buatsaih Chapchar Kut Miss Result puanna Vanapa Hall-a neihah MJA aiawhin lawmman a sem a, heta\anga a haw hnu zan dar 10:30 velah a taksa a nawm loh deuh avangin Greenwood Hospital-ah a inentir a damdawite lo pein in lama chawlhahdam tura hawtir a ni a, zing dar 2 velah nikhawhre lovin a awm a, Damdawi inah hruai nghal ni mah se, chhan theih a ni ta lova zing dar 2:40 ah chatuan ram a pan ta a ni.
Pu R Lalhmangaiha hi vawiin khan Bawngkawn Salom venga an chenna Inah UPC North East India, North Mizoram District Treasurer Rev. K Lalduhsanga’n thlamuanna thuchah sawiin a vui a, heta uina thusawitu MJA President Pu Zonunsanga khiangte chuan, Pu R Lalhmangaiha chu MJA General Headquarters-a tangka vawngtu chuhtu awm lova ni hmasa ber a nih thu leh record siamtu a nih thu a sawi a, hei hian MJA chhungkuaah a tlaknat zia a tichiang hle a ni a ti. Pu Zonunsanga chuan, Pu R Lalhmangaiha chu MJA thluak bur ber, committee a boruak san deuh chang pawha tidai \hin tu, khawi lo kalnaa hruaitu nih tling leh hmangaihna ngah tak a nih thu a sawi. Pu Zonunsanga Khiangte hian District tina MJA ten sunna thu an thawn te a chhiarchhuak nghal a, vuina hun hman lai hian District hrang hranga MJA ten sunna hun an hmang a ni.
Pu R Lalhmangaiha hian kum 1992 january ni 15 a\angin Romei nitin chanchinbu enkawlin Journalist a luhchilh \an a, kum 1993 ah Mizoram Journalist Associations member-a lakluh a ni a, kum 2004 a\angin hruaitu dinhmun chelh \anin OB post hrang hrang a chelh a, a thih thleng hian Vice Pesident dinhmun pawimawh tak a chelh a ni.
Pu R Lalhmangaiha vuinaah hian Aizawla MJA member awm te, I&PR Minister Pu Lalruatkima, I&PR a thawktute leh sorkar mipawimawh engemawzat an tel a ni.
