Mizoram Journalis Association MJA in Information & Public Relations director kalchhuak ta Pu David L Thangliana thlahna leh director thar Pi Lallianpuii lawmpuina inkhawm vawiin khan an buatsaih a, hemi rual hian MJA vice president chatuan ram pan ta Pu R Lalhmangaihzuala hnenah ralna Ex-Gratia hlan nghal a ni.

MJA vice president Pu Lalremsiama kaihhruai inkhawmah hian Prominent Journalist Pu Lalbiakthanga Pachuau in hunserh a hmang a, MJA president Pu Zonunsanga Khiangte in MJA aiawhin thu a sawi a, I&PR Director kal chhuak Pu David L Thangliana chuan Mizorama chanchinbumiten mipuite hmasawnna tura sorkar hmalakna te \ha taka \awiawm chunga, sorkar kalsual tur ven kawnga taima taka an hna an thawk \hin chu chhunzawm zel chi a ni a ti.

Director thar Pi Lallianpuii chuan chanchinbumite nen thawhhona \ha tak an neih chu vawngnung zel turin a \ul apiangah I&PR Dept chu chanchinbumite tan a inhawng tih a sawi.

Inkhawmah hian kumin March 15-a MJA vice president a nih laia chatuan ram pan ta, Pu R Lalhmangaihzuala, Editor, Romei hnena sawrkar ralna (Ex-Gratia) Rs. 1,50,000/- chu I&PR director Pi Lallianpuii hian Pu R Lalhmangaihzuala nupui Pi Lalfamkimi hnenah a hlan nghal a ni.