Mizoram inthlanpui viltu, BJP hruaitu Himanta Biswa Sarma-a’n Mizorama political party te zingah BJP thawhpuia inpuh tawnna thu thu awmze nei lo a ni tih sawiin, Party lian zawng zawngin BJP chu an thawhpui vek zawk a ni a ti.

Vawiina a thlenna Hotel, Aizawla chanchinbumite a kawmnaah Himanta Biswa Sarma chuan, BJP chu NEDA ah MNF in a thawhpui a, tunhnaiah ZNP nen an thawk ho tawh bawk a, Congress Party nen CADC ah an thawk ho bawk a ni a ti a, Party \henkhatin BJP thawhpuia an inpuh tawnna chu thil awmze nei lo nia sawiin, inthlan zawh hnuah thawhpui an neih leh neih loh tur chu la tih chian a ni dawn a, Pu Lal Thanhawla emaw, Pu Zoramthanga emaw, Pu Lalduhoma emaw pawh nise, BJP chuan a ruka thawh hopui lovin, langtlang takin a thawhpui dawn niin a sawi a, BJP tel lohna sorkar thar din dan kawng a awm dawn lo niin a sawi.