Mizoram inthlanpui neih ruala inthlang ve tur, Madhya Pradesh-ah rorel lai party, BJP chuan MLA ni lai 70 leh 80 inkar vel chu inthlan chuh tir an ni dawn lo niin an party hruaitute’n an sawi.

Madhya Pradesh tualchhung BJP hruaitute chuan MLA ni lai tam zawk inthlan chuh nawn tir loh chungchang hi an ngaihtuah mek thu leh an zingah hian Minister ni mek te pawh an awm tih an sawi bawk a, hei hi tunhnaia MLA hna thawh \ha tawk lo leh an bialte ngaihsak tawk lo an awm nia thu an dawn vang niin an sawi bawk a, mi thar din tir pawh ni se, state CM ni lai, Shivraj Singh Chouhan chu mipuiin an duh em avangin sorkarna pawh an siam leh mai theih an inbeisei tih an sawi bawk a ni.