Right to Information Week hman mekah Mizoram Information Commission leh Information & Public Relations Department \angkawp chuan nimin khan Lunglei Government College Multipurpose Hall-ah Right to Information Act thil tum leh a hman dan an hrilhfiah a. He beihpui thlak hi Chief Information Commissioner, Pu Lalduhthlana Raltein a hova, Dist. Bawrhsap, Pi Lalzarmawii, sorkar officer dangte, zirtirtute, tlawmngai pawl hruaitute, party hrang hrang aiawhte leh zirlai \hahnem tak an tel a ni. Chief Information Commissioner chuan mipuite rorelna ramah RTI chu thil pawimawh leh ram khua leh tuiten sorkar hnathawh dan leh mipuite chanvo an hriat theihna tur leh lang tlang taka sorkar siamna hmanraw pawimawh tak a ni a ti a, RTI dan hmang thei turin mipuite chu thil pawimawhte hrilhfiah chhunzawm zel a \ul thu te, State Public Information Officer leh State Assistant Public Information Officer-te chu an zawhna zawhna tur leh chhangtu tur an ni tih a hrilh bawk. He beihpui thlakah hian Bawrhsap, Pi Lalzarmawii pawhin he dan hnuaia sorkar officer-te mawhphurhna leh tih turte a sawifiah bawk a ni.
