Vawiin khan Mizoram hmun tam takah Upate Ni hman a ni. United Nations-in khawvel puma upate ni-a hman atana a ruat chu October ni 1 a ni a, amaherawhchu he ni, nimin kha kuminah hian Pathianni a nih avangin Mizoramah chuan vawiin khan hman a ni a, Mizoram Upa Pawl unit hrang hrangten anmahni unit \heuhah he ni hi hmangin, kum lama upate chawimawina an buatsaih a, nikum MUP Day leh kumin MUP Day inkara an member thi ta te an sun bawk. Mission Vengthlang MUP Unit chuan upate ni hi vawiin chhun khan Synod Multipurpose Training Centre Hall-ah Finance Minister, Pu Lalsawta hovin an hmang a, an veng chhunga kum lama upa, kum 90 leh kum 100 inkar mi 14 an chawimawi a, kum 91 leh 98 inkar mite an ni. Upa an chawimawi zinga pakhat, Rev. Lalnghinglova, kum 92 mi chu Mizorama Pastor pension tawh zinga upa ber nia sawi a ni. He inkhawmah hian kum khat chhunga an member thi, 12 sunna hun hman a ni a, member-te chu minute khat chhung ngawi rengin an ding a ni.
——————–
Rangvamual MUP unit pawhin an veng Community Hall-ah he ni hi an hmang a, a hmanpuitu, Bialtu MLA, Pu K Sang\huama chuan, upa-te chu tawnhriat nei \ha an nih avangin \hangtharte tan an hlu hle tih a sawi. Rangvamual Branch MUP-ah hian member 71 an awm a, patron member 5, Life member 17 an awm a ni. He ni hmanna inkhawm hi an pawl President, Pu J Lalchhuaka’n a kaihruai a, an member boral tawhte sunna hun an hmang bawk.
Dinthar MUP unit pawhin an veng YMA hall-ah he ni hi an hmang a, Bialtu MLA, Pu Lalruatkima’n hmanpuiin, upa zawkte chu taptawm mai lova intuaithar reng tur leh an hriselna ngai pawimawh turin a chah a ni. He inkhawm hi an pawl President, Pu C Lalhuala’n a kaihruai a, an member thite an sun b^kah tlaiah ruai an \heh a ni.
—————–
