Mizoram hmun hrang hranga Vawk hri leng mekah AH & Vety Department chhin chhiah danin vawk 1029 a thi tawh a, vawk damlo 3639 a awm mek bawk.
Vawk hri Porcine Reproductive Respiratory Syndrome (PRRS) leh Classical Swine Fever(CSF) leng mek chungchangah hian vawiin khan AH& Vety Minister Pu C Ngunlianchunga chuan Vety doctor te ko khawmin an hmalak dan zawtfiah a. AH & Vety Department Doctor te chuan vawk hri leng mek chu kumin March ni 17 a\anga Zokhawthar a\anga in\an nia an hriat thu an sawi a. Zokhawthar a\ang hian vawk damlo thisen 12 lak a ni a, 11 chuan PRRS an vei tih march ni 21 khan Disease Investigation Laboratory, Aizawl ah finfiah a ni. AH & Vety Dept D.I. Laboratory-ah hian vawiin thlengin vawk thisen 245 endik tawh a ni a, PRRS vei 133 leh CSF vei 90 hmuhchhuah tawh a ni. Vawk hrileng hi a darh zel loh nan Vawk leh Vawksa lakluh khapna chu Champhai Bawrhsap in January ni 27-ah a lo tichhuak tawh tih vawiin \hutkhawmna ah hian sawilan a ni. Tun \uma Mizorama vawk hrileng mek enfiah tur hian Central atangin Assistant Commissioner leh National Institute of High Security Animal Disease Laboratory, Bhopal atangin Principal Scientist te lo kalin Aizawl leh Serchhip-ah vawk hrileng te an enfiah tawh a, North Eastern Regional Disease Diognostic Laboratory, Guwahati a\anga lo kal Scientist 2 ten AH & Vety Field Officer te Training an lo pe tawh bawk a ni.
