Art and Culture Minister, Pu R. Romawia’n Mizoram hmun hrang hranga pipu hmunhlui 81 chu State Protected Monument atan humhalh mek a nih thu a sawi. Congress member, Pu T. Sangkunga leh MNF member, Pu Lalrinawma zawhna in\awm a chhannaah Pu R. Romawia chuan, pipu hmunhlui hi The Mizoram Ancient Monuments and Archaeological Sites and Remains Act, 2001 hmanga humhalh a nih thu leh heng hmunhmate humhalh tur hian YMA, MUP, VC leh INTACH thawhpui a nih thu sawiin, an ni bakah hian Sorkar laipuia Archaelogical Survey of India nen \angkawpin hmun tam takah hmalak a nih thu a sawi. Art and Culture Minister chuan, pipute suihnu leh hmunhlui mai bakah hmanlai Mizo hnam zaite a ral mai loh nan Department chuan nasa taka hma a lak thu sawiin, kumtin Mizo hnam lam leh zai hrang hrang zirna buatsaih \hin a ni a, hmanlai hla leh lam hrang hrante chu a bu-a dah \hat a nih thu a sawi bawk.
