Vawiin khan zing dar 6:30 a\anga dar 7:30 thleng Pathian thu zirhona leh \awng\aina Pastor-te kaihhruaiin Tlabung Biakin, Zodin Biakin leh Chawnpui biakinah te neih a nia, Thupui atan Pathian hmangaihna, Thuthlung tharah a inpuang chhuak tih hman a ni. Hemi hnu, vawiin chawhma dar 9:30 a\anga chawhnu dar 12:30 thleng khan Seminar neiin, thupui thlan chhuah zirho a nia, Zodin Biakinah Attitude and Value tih zir a nia, Pandal-ah God and Career tih zirho a ni a, BCM Biakin Imanuel-ah Yoga leh Hindutva Movement zirho a nia, Tlabung biakina Ministry and Sports tih zir a nia, Saron BCM Biakinah tui hmanga kawlphetha siam chhuah leh chenna khawvel thianghlim neih a pawimawhna zirho a ni bawk. He Seminar-ah te hian Pathianthu lama mithiam thlanchhuah kohhran hruaituten zirtirna an pe a ni. Zanina Pandal- Sapupa leh Pu Buanga runa Pathian biak inkhawm neihah MTKP President Rev. JC Vanluaia’n Pathian thuchah a sawi dawn a ni. Puan tawh angin nimin khan kum 2019 a\anga 2021 thleng a hruaitu thar turte thlan a nia, chungte chu Vice President atan V Rokhawlkima, Chanmary bial, Assistant Secretary-ah K Lalawmpuia Chandmary bial, Treasurer-ah Lalnuntluanga Lunglawn bial, leh Finance Secretary-ah Zothantluangi Khiangte Zotlang bialte an nia, President atana ruat chu Rev C Lalmuankima a nia, Organiser atan ruat pawh Rev K Lalbiakenga a nia, Adviser atan Upa Dr. Lalchhanhima leh Upa, PC Vanlalroa te ruat an ni bawk. Inkhawmpui hi naktuk Pathianni zanah a \iak dawn a ni.
