An pawl hruaitute hnen a\anga thudawn danin naktuk pawh Pathianni a nih avangin kawngpui an dan chu an chawlhsan dawn niin an sawi a, amaherawhchu, an kal zel dan tur chu a thara ngaihtuah leh a ni dawn niin an sawi a ni.
Puan tawh \hin angin Mizoram Govt. Lumpsum Aided Higher Secondary School awmna khaw 9-te chuan Adhoc Aided Status-a hlankai phut nan Ningani a\ang khan an khua \heuha sorkar pisa leh zirna inte an khar bakah an khaw pawhtu kawngpuite an dang ping a ni. Khaw \henkhata an hruaitute chuan sorkar pisa leh zirna in an khar leh kawngpui an dan chu karleh Thawh\anni a\anga chhunzawm leh an tum thu an sawi bawk a ni.
Puan tawh angin lungawilohna entirtute khuate chu Sakawrdai, Farkawn, Phullen, Thingsulthliah, Zawlnuam, West Phaileng, East Lungdar, NE. Khawdungsei leh Zobawk te an ni a, an pawl Joint Action Committee chuan heng school hrang hrangte hi mipui mamawhna vanga din a nih thu leh kum 14 chhung zet khawtlangin harsa taka an lo enkawl tawh a nih avangin an harsatna chu sukiang tura sorkar an beisei thu an sawi a, Mizoram Govt. Lumpsum Aided Higher Secondary School Associtaion chuan an thil phut nawr nan June ni 18 a\ang khan sikul an lo khar tawh a ni. An thilphut hi sum harsatna avangin tihpuitlin theih a ni lo tih Chief Minister, Pu Lal Thanhawla chuan hemi chungchanga amah hmutu MZP hruaitute a lo hrilh tawh a, Ningani khan School Education Director chuan hemi chungchangah hian thuchhuah siamin tun dinhmunah Mizoramah Private school kumtina sorkarin \anpuina Lumpsum Grant a pek 71 an awm tih a sawi a, chungte chu Middle School 33, High School 27 leh Higher Secondary School 11 a ni a, tuna dinhmun sang zawk phuttu school 9 te thilphut hi ngaihtuah a nih dawn chuan a hranpaa an chungchang chauh ngaihtuah theih a nih loh thu leh a bak school 62 te pawh ngaihtuah tel a \ul dawn thu te, kum tina sum sen belh ngai chu cheng vaibelchhe 20 leh nuai 84 vel a nih thu sawiin, hei hi tun dinhmunah sorkarin a tlin lo niin a sawi a ni.
