Mizoram Football Association (MFA)-in a buatsaih Inter District Sub Junior Football Championship khelh zawh takah Aizawl District chuan Lunglei District chu goal hnih goal khata hnehin chak ber no mawi a la ta.

Inter District Sub Junior Football Championship hi nimin tlai khan Serchhip Sports Complex-ah khelh zawh a ni a, Aizawl District hian match 5 khelin goal 15 an khung a, goal 4 chiah an chhuah thung a, lawmmanah Trophy leh Certificate an dawng a ni. Best player-ah Lalrinchhana Aizawl thlan a ni a, Top Scorer-ah goal ruk khungtu Remruatkima, Kolasib thlan a ni bawk.