An mi man te hi Lalduhawmi, kum 22, Champhai Dinthar Veng mi nia insawi, tuna Bawngkawn, Lunglei Road-a khawsa mek leh Lalchhuanawma, kum 28, Bethlehem Vengthlang mi nia insawi, Champhai Tlangsama awm nia insawite an ni. Heng mi pahnihte heroin kawl hi ND&PS Act 1985-in a sawi anga tam tham taka zawrh ruk a tling a, an chungthu ngaihtuah Court-in thiam loh a chantir chuan kum 20 lung in tan leh cheng nuai 2 chawitir theihna a ni. Hemi bakah hian Anti Narcotics Squad hian vawiin chawhnu khan Upper Republic-ah heroin gram 8 leh a neitu nia hriat Joshua Lalzahawma, kum 20, Upper Republic veng nia inchhal an man bawk a, heroin zawrh ruk kaihhnawiha mi man 3 te hi Narcotics Drugs & Psychotropic Substances Act, 1985 tlawhchhanin thubuai rip tak siamsak an ni a, Court-ah hruai an ni bawk.
