Autonomous District Council leh Municipality in a huam loh leh Panchayati Raj nei lo tualchhung sorkar te tan 14th Finance commission in sum dah lo mahse, village council ang chi te tan sum pek rawtna hi sorkar laipuiah a thlen a, hemi bawhzui hian Mizoram Sorkar chuan Ministry of Panchayati Raj hriatpuiin Finance Ministry ah VC te \anpuina tur hi a dil chhuak a ni.
Heng hnathawhna tur sum sem chhuaktu LAD Minister Pu K Lalrinliana hian thingtlang khuate tih hmasawnna tura sorkar laipui a\anga sum hmuh chu a nih dan tur dik taka hman a, mipui hnen a thlen ngei theih nan VC tin bialtu DLAO te chu fimkhur taka vilzui turin a chah a ni.
Pu K Lalrinliana chuan, vantlang inkhawm Gram Sabha rawn chunga mahni khaw bil \heuh hmasawnna hna thawh tur ruahmanna khawtinin an duan, sorkara an thehluh ang mila sum hi ruahman a nih avangin a taka an thawh ngei a ngai tih a sawi.
Pawisa hi VC tin aiawhin District Local Administration Officer (DLAO) ten an dawng a, anni hian an huam chhunga VC te hnenah an hlan chhawng leh dawn a ni.
Aizawl khawpui tiam lovin Aizawl District-a VC 95 te tan cheng Nuai 786.78 pek chhuah a ni a, Lunglei District a VC 143 hnenah cheng nuai 1170.31, Champhai District a VC 108 hnenah cheng nuai 902.30, Serchhip District a VC 49 hnenah cheng nuai 459.98, Kolasib District a VC 52 ah cheng nuai 582.52 leh Mamit District a VC 87 te hnenah cheng nuai 642.11, a vaiin VC 534 te hnenah cheng vbc 45 nuai 44 pek chhuah a ni.
