Mizoram Cooperative Apex Bank Ltd. in nikum sorkar kum, 2017-2018 chhung khan Rs. 6,81,71,000/- hlawkna an hmu. Hei hi vawiina Board of Directors meeting Tuikual South-a an Head Office-a neihah tarlan a ni a, he meeting hi an Chairman, Pi T. Lalmuanpuii kaihruai a, hetah hian nikum sorkar kum chhunga an hnathawh dan leh dinhmun an thlir let a ni. Hemi bakah hian kal zel dan tur leh hmasawn chhoh zel dan tur an rel bawk a ni. He meeting hian mimal loan dilna leh kohhran loan lak dilna a ngaihtuah nghal a, mimal loan atan Rs.5,82,00,000/- a sanction bakah, kohhran loan dil pek nan Rs.3,55,00,000/- a sanction bawk. He meeting hian kumina Annual General Assembly neih hun atan May ni 29 a ruat a, a hmun atan Lal Thanhawla Auditorium thlan a ni a, he Assembly neih hunah hian kum 2018 a\anga kum 2023 thleng, kum 5 chhung atana Board of Directors tur thlan a ni ang.
