Minister hmutute hi MCU President, Prof. Chawngsailova’n a hova, an thil thlen te chu eirawngbawlna gas latute tana subsidy sorkarin a pek an bank account-a lut lo chungchang te, kumin sorkar kum atana Consumer Welfare Fund sorkar laipuiin a pek cheng vbc 10 tun thlenga District Forum hrang hrang hnena cheng nuai 10 thlenga sem tur la pek chhuah loh chungchang te leh Telecom Regulatory Authority of India-in kumin February ni 1 a\anga Cable TV lak man a siam danglam chungchang leh a man bithliah dik taka Consumer ten an hman theih dan tur chungchang te a ni. MCU hruaitute chuan eirawngbawlna gas latu mi tam takin gas subsidy an account-a lut lo chungchang an sawi chhuah chu ngaihpawimawh a \ul thu te, dik taka thil tih a nih theih nan gas semna hmunah Deptt. aiawh leh MCU aiawhten gas agent te thil tih dan enpui se an duh thu te an sawi a, he rawtna hi bawhzui tura dah a ni. Minister, Pu K. Lalrinliana chuan Minister hna tun hnai lawk a\anga chelh \an a nih thu te, thil awmdan tuna a zirchian mek thu te sawiin, Consumer te dikna leh chanvo sorkar laipuiin a pek humhalha a chhawr \angkai tur ten an chhawr \angkai ngei theih dan tur ngaihtuah a tum thu a sawi a, Consumer Welfare Fund dinhmun chungchang chu officer te zawhfiaha, chhuichian a tum thu MCU hruaitute chu a hrilh bawk a ni.
