A hawnna inkhawm hmanpuitu RD Minister Pu Lalruatkima chuan, Civil Service te chu ram hmasawnna tur atana thawktu pawimawh tak a nih thu a sawi a, Legislators ten Policy leh Sorkar kaldan turte an duang a, a tihlawhtlingtu tur chu Civil Service te an ni a, Legislators te an pawimawh ang bawkin executive officer tha tak te pawhin Sorkar chak leh chak lohah mawhphurhna sang tak an nei a ni, a ti.
Pu Rka chuan, MCS te chu Conduct Rules zawm tlat tur te, Public Servant an nihna anga mipui tan harsatna siamtu ni lova, mite tana malsawmna nih tum tur te, mipui rinngama awm tur leh nungchang thlenga uluk tur te, sorkar tan rinawm taka an theihna te hmang tur tein a chah a ni.
Inkhawm hi SIRD&PR Director Pu Lalhmunsanga Hnamte in a kaihruai a, Senior Core Faculty (RD) Dr. Margaret Lalbiakthangi leh ATI Joint Director Pi Angela Zothanpuii ten thu an sawi bawk.
