MCS Association chuan ECI hmalak dan chuan a ti lungni lo hle tih sawiin, mizo mipuite rilru tihnat a ni chu pawi an tih thu an sawi a, inthlanna kaihhnawiha venhim hna thawh dan tur ruahmanna ECI in a duan, Manual on Forece Deployment Chapter 6, Para 3(i) kalhin CEO SB Shashank chuan a tih tur chin piah lamah hma a la a ni an ti.
MCS Association chuan inthlanna buatsaih kawngah ECI chuan venhimna lam kaihhnawihte chu state sorkar home deptt kutah dahin, tunhma zawng pawhin inthlanna muanawm leh felfai tak buatsaih a lo ni tawh \hin tih an sawi a, inthlanna muanawm leh felfai a awm theihna tura mipuite rinna hlawh chhuak leh turin Election Commission of India chu CEO Shashank-a sawn nghal turin an phut tih an sawi a, hemi piah lamah kum 2014-a Election Commission in Tripura Camp-a awm brute an camp-a vote thlak tir tawh lo tur leh Mizoram chhunga vote an thlak theih dan tur ruahmanna siam a lo intiam tawhna chu kengtlang turin an phut bawk a. Mizoram NGO Coordination Committee leh mizo mipuite lamah an \ang tlat tih an thuchhuah siamah an an tarlang bawk.
