He thu hi MNF Party-in Mizoram Assembly inthlanpui neih zawh taka hnehna an chan avanga Pathian hnena lawmthu sawi inkhawm vawiina Hnam R<na neihah Pu Zoramthanga chuan a sawi a ni. Pu Zoramthanga chuan sorkar kal tawhte hnathawh dan leh sum hman dan mipuite hriat theiha a awm lo chu an sorkarah a awm ve dawn lo nia sawiin khawi hmunah pawh an hnathawh reng reng chu mipuiten an hriatpui theih, a estimate zat te leh a hnathawh dan tur kalhmangte an hriat theih turin an kalpui dawn tih sawiin Minister leh MLA te chu huai takin an kal dawn niin a sawi.
Inkhawm hi an pawl Vice President, Election Campaign Directorate Chairman ni bawk, Pu R. Tlanghmingthanga’n a kaihruai a, hetah hian Pu Zoramthanga chuan MNF Party chu Pathianin na tak takin a thunun \hin a, inthlanna neih hmasakah te MLA tlem te te neiin an awm thu te, chutih lai chuan an khingpui Congress lamin NLUP hmangin mipuite an tihlawm dan te, an ni erawh chuan an artui chhum ei pha lovin a tui hang chauh an hawp phak niin a sawi a ni.
Pu Zoramthanga chuan Mizoram Assembly inthlanpui neih zawh taka sorkar na an chang chu Pathian puihna leh theihna vang a nih thu sawiin Pathianin a \ul a tih hunah chuan nasa takin an party chu a sawp a, hun a tih hunah a chawikang leh mai \hin niin a sawi a, sorkar khalhngil tura thlanchhuah eptu MLA te chungah pawh lawmthu a sawi a ni. Pu Zoramthanga chuan Aizawl Traffic jam chu kawng chhawng leh parking hmanga tih ziahawm an tum dawn niin a sawi a, vawilehkhata thil tih fel duak theih a nih dawn loh avangin theihtawpin hma an la dawn niin a sawi.
Pu Zoramthanga chuan SEDP hmanga hma an lak tur hrang hrang chu mitin a neitu an ni dawn nia sawiin mau ni lovin, raw lian chi nasa takin an kalpui dawn niin a sawi. Pu Zoramthanga chuan, an sorkar chu Zoramtharah kalpui tura ngaih a awm niin a sawi a, an kalpui dawn lo tih sawiin Zorama Pathianin hausakna a dah te haichhuah a, malsawmna ruai chawi hniam turin MNF chu Lalpa’n a ko a, a hreipui, tuthlawh leh chempuiah a hmang mai zawk niin a sawi. Pu Zoramthanga chuan, MLA a thlantlinte chu Minister tur ringawtin Pathianin a dah lo tih inhre tura a duh thu sawiin Pathian leh kan ram tan titu an nih avangin Pathian dah hmasa a mipuite rawngbawl tur an ni tih inhre reng turin MLA te chu a chah a ni. MLA tling thar mi 26-te chu Thangchhuah diar an bahtir \heuh bawk.
Hemi hnu hian Protem Speaker atana ruat Tuikum bial a\anga MLA atana thlan tlin Pu Lalrinawma hovin MLA thlan tharten Assembly House Building an fang zui nghal a ni.
