A ruatna lehkha hi vawiin Election Commission of India chuan a tichhuak a, he lehkhaah hian Mizoram CEO hlui, Pu SB Shashank chu Election Commission-ah awm tir rih a ni dawn tih tarlan a ni. Vawiin chawhnua Zonet zawhna chhangin CEO thar tur Pu Ashish Kundra chuan Mizoram Chief Electoral Officer hna chu naktuk a\angin a thawk \an dawn tih a sawi a ni.
Puan tawh angin Mizorama tlawmngai pawl lian hrang hrang panga inzawmkhawm, NGO Coordination Committee chuan Pu SB Shashank-a thil tih dan an duh loh vangin tun thla ni 6 leh ni 7 khan Aizawla a pisa tualah hnam hnatlang neiin lungawilohna an entir a, CEO chu pisa kai thei lovin an siam a, hemi hnu hian Election Commission chuan Pu Shashank hi New Delhi-ah a kova, Pu Shashank hian tun thla ni 7 khan Aizawl chhuahsanin New Delhi lam a pan ta a ni. Hetihlai hian Indian Express chanchinbu nimina chhuak chuan Mizoram Assembly inthlanna tun thla ni 28-a neih tura ruat chu December ni 7-ah sawn hlat a ni mai thei tih a chhuah a, hei hi social media-ah nasa taka thehdarh a ni a, hei hian mi tam tak a ti chiai a, Zonet zawhna chhangin Mizorama inthlanna buaipuitu Officer te chuan Election Commission-in inthlan ni thlak tumna a neih thu vawiin thleng khan engmah an dawng lo niin an sawi a ni.
