Mizoram chhunga rual ban lote dinhmun zirchianna Survey on Extent, Trends, Patterns & Profile of People with Disabilities in Mizoram tih ni 4 chhung awh tur chu vawiin khan Social Welfare Department pisaa Anganwadi Training Centre-ah Social Welfare Deptt. Director, Pi Laldikkimi’n a hawng a, thusawiin Director chuan rualbanlote dinhmun zirchiangtu tur Circle Officer te chu an hnathawh tur \ha tak leh dik taka hlen chhuah tum turin a chah a ni.

 He training hi Deputy Director, Pi B. Thangseii’n a kaihruai a, hetah hian Circle Officer te chu batch 4-a \hena zirtir an ni a, an training hi tun thla ni 15, Inrinniah an zo dawn a ni.

He training-ah hian Consultant, Pu Debashis Mukherjee, State Nodal Officer, Dr. Robert L. Khawlhring leh mithiam dangten Circle Officer te chu hnathawh dan tur an zirtir a ni.

Rualbanlote Dinhmun Zirchianna Survey hi District tinah neih tura ruahman a ni a, nakkum March thla ral hma-in zirchianna report hi peihfel tur a ni.