Mizoram chhung khawpui \henkhata naupang kutdawhtirtu mi pakhat Champhaiah man a ni.
Naupang pahnih leh mitdel pahnih Champhai khawpui chhunga kutdawha vak kualte chu District Child Protection Unit, Champhai, Child Welfare Committee leh Champhai Police ten chhui zuiin heng naupangte hi Lawngtlai lam mi an ni tih hriatchhuah a ni a, Champhai bakah Aizawl, Lawngtlai, Siaha Lunglei, Serchhip leh Mamit-ah te pawh kum 2013 a\ang tawh khan kut an dawh kual \hin tih hriat chhuah a ni a, anmahni buaipuitu leh ruahmanna lo siampuia, hlawkna lo tel \hin Suresh Kumar Chakma chu man chhuah a ni ta a ni.
Suresh Kumar Chakma hian hming lem dang Biakmawia, Roberta tih leh Lalmuanpuia ti te in a in chhal \hin tih Champhai District Child Protection Unit hotute chuan an sawi a, Suresh Kumar Chakma lakah Child Welfare Commitee Champhai chuan naupang humhalhna dan JJ Act section 76-na tlawh chhanin Champhai Police Station-ah FIR an thehlut a, tun thla ni 4 khan Police te chuan manin Champhai District Jail ah dahluh nghal a ni. JJ Act Section 76 hian naupang kutdawh tura chhawr hi a khap a, a ti lui chu kum 5 thleng lungin tantir leh cheng nuai khat chawitir theih a ni.
