He inkhawm Lawngtlai Bazara BJP Office-a neih hi Siaha District BJP President, Pu M. Laikaw -an a kaihruai a, an hruaitu thar tur te pawh ruatfel nghal a ni a, chungte chu Chairman atan Siaha District BJP President, Pu M. Laikaw, Vice Chairman atan Lawngtlai District BJP President leh Chakma District Council Area-a BJP President te an ni a, Treasurer atan Pu MC Muankima, General Secretary-ah Pu LC Rohlua, Secretary-ah Pu Vantlungluaia leh Chakma Autonomous District a\angin mi pakhat an ruat bawk. Hengte bakah hian Co-Ordination Committee Member atan Pu C. Zungchema, Lawngtlai, Pu S.Vadhyu, Siaha leh Chakma Autonomous District Council area a\angin midang pakhat an ruat bawk.
An thil tum zingah chuan Mizoram chhim lama Autonomous District Council 3, Lai, Mara leh Chakma te thuneihna humhim zel te, a huhova \an laa an harsatna sutkian dan tur ngaihtuah te, politics lama dinhmun sang zawk leh economic lam thila thuneihna sang zawk neih te, 6th Schedule siam\hat an dil chungchang rualkhai zawka bawhzui te leh Autonomous District Council sum dawn tur te Mizoram sorkar kaltlang lova sorkar laipui a\anga hmuh theih dan tur te a ni.
He Meeting-ah hian Lawngtlai leh Siaha District a\angin BJP hruaitute an tel a, Chakma Autonomous District Council area a\ang erawh chuan tel an awm lo a ni.
