Mizoram Chemists & Druggists Association chuan nimin khan General Assembly vawi 35-na Synod Conference Hall-ah an hmang. Hemi hnua thuchhuah siamin Mizoram Chemists & Druggists Association chuan mi \henkhat damdawi quality \ha tawk lo zuar an awm nia sawiin hemi avanga mipuiin harsatna an tawh phah chu \ha lo an tih thu an sawi a, Pharmacist ten anmahni rawih man an ti sang lutuk chu an tan phurrit a nih thu te, Pharmacist indaih loh avanga harsatna an tawh sorkara an thlen chungchungah thu lawmawm an la dawng hmu lo chu pawi an tih thu an sawi bawk. Mizoram Chemists & Druggists Association chuan Drugs Licence nei lova Office lamah te, dawrah leh in lama damdawi zawrh ching an awm chu \ha lo an tih thu an tarlang bawk. Mizoram Chemists & Druggists Association hi kum 1977-a din a ni a, tunah hian member 3,000 vel an nei a ni. He Assembly hi an pawl President, Pu R. Thanglura’n a kaihruai a ni.
