He kawng enkawltu PWD National Highway Thingdawl Division EE Pu Sanghrima Chongthu hnen a\anga ZONET thudawn danin kawng hi nizan dar 1 vela lirthei kaltlang theiha siam a nih hnuah hna chawlhsan lailawkin vawiin lamah thawh chhunzawm leh a ni a, dar10 vel-ah lirthei chitin a kaltlang theiha sial tlang a ni. Aizawl lam pan bungaw phur lirthei te kal hmasak tirin tun dinhmunah chuan lirthei tangkhang a awm tawh lo a ni. Kawng hnawhtu leivung thenfai ni tawh mahse, lei tla thenfai tur a la tam hle a, a bulah Kawnpui chawmtu PHE tuilakna a awm avangin kawng thlang lamah lei hi a nawrliam theih dawn loh a, motor hmangin hmun danga paih a ngai dawn a ni.
PWD hotute rawtna angin chak zawka hna thawh anih theih nan Kolasib District Magistrate chuan he kawng hi zing dar 10 leh tlai dar 3 inkarah leh zan lamah dar 7 a\anga zing dar 6 thleng khar lailawk \hin turin thupek a siam a, he kawng tlan tlang theih hun tur chu zing dar 6 leh dar 10 inkar, leh tlai dar 5 leh zan dar 7 inkar te a ni rih dawn a ni. Zawhna chhangin Pu Sanghrima Chongthu chuan, lei then tur a tam deuh avangin hna thawh zawh hun tur an hre thei rih lo tih a sawi a, khawl lian zawk te an chah belh mek tih a sawi.
