Pu Rintea hian, kum 1958 a Mizorama \am a tlak khan India-in Mizoram chu a hnuchawn a ni a ti a, hei hian Mizoram chu ram khua leh turiah a pawm loh zia a ti lang a ni a ti a, hei vang hian kum 1961 ah MNF chu Pu Laldenga hovin din a ni a, a hnuah Independence sual a ni ta a ni a ti. Pu Rintea hian, India history ah sorkarin a khua leh tuite thlawhtheihna a bomb hmanga a beih awm chhun chu Mizoram chauh a ni a ti a. Zirlaite chu Mizo Nationalism tuichilh tura sawmin, hnam hmangaihna kawngah \hangtharte an \hangharh chho leh mek a ni a ti.
MZP President Pu B. Vanlaltana chuan kum 1966 march ni 5 a Mizote tawrhna zawng zawng chu \hangtharte tan ram leh hnam hmangaihna rilru put thar tirtu nise a duh tih a sawi a, Mizo leh Mizo inkara inhriatthiam lohna tam tak awm tawhte theihnghilh a, Zofate inpumkhatna Ni atan Zoram Ni chu an buatsaih \hin tih a sawi. Pu B Vanlaltana chuan, Political party te chu ram thatna tak tak duhna thinlung pu thar se a duh tih a sawi a, party thlichhia leh inchirh thehna te paih bo a, hnam damna tura lungrual taka ke pen tlan hun a nih thu a sawi a, eirute hrem theitu Lokayukta pawh thuam \ha chho zel tura sorkar a duh thu a sawi.
Inkhawm hi MZP Vice President Pu Peter Chhangte in a kaihruai a, nationalism chungchang PUC Associate Prof. Pu Lalthlamuana Ralte in a sawi bakah Prof. JV Hluna ziah Image on Aizawl Bombing tih tlangzarh a ni bawk.
