Mizoram Bru Displaced People Forum huaihawta vawiin a\anga naktuk thlenga Naisingpara a\anga North Tripura District Hqrs. Dharmanagar thlenga Tripura-a Bru Camp 6-a mipuiten kawng zawh an tum chu Election Commission-in phalna a pek theih loh avangin \hulh a ni. MBDPF hruaitute hnen a\anga thudawn danin an lungawi lohna lantir paha an thilphut tarlanna tura ni hnih chhung kawng zawh an tumna chhan hi Camp hrang hranga buhfai sem dan mumal lo leh an chan tur ang an chan phak loh vangte, pawisa an dawn \hin cash dole an tih puitling tan ni khata Rs.5/- leh naupang tan ni khata Rs.2.50 chu nikum July thla a\anga pek chhunzawm an nih tawh loh thu te, hemi avanga chhungkaw tam takin harsatna an tawh thu leh private school-a an fate kal tirin fee pek tur an neih loh avanga zirna an chhunzawm theih tawh loh vangte niin an sawi a ni. Election Commission-in February ni 18-a Tripura Assembly inthlanna neih tur avanga lungawi lohna lantir nan kawng zawh a phalsak lo chung hian MBDPF hruaitute chuan an President, A. Sawibunga kaihhruai lam kal intirin naktukah President leh Prime Minister hnena an harsatna an thlen tur memorandum chu North Tripura District Collector, Pu Sara Bhindu Chaudhury hnenah an hlan ang a, District Collector chu an memorandum President leh Prime Minister hnena thawn turin an ngen dawn a ni.
