|hulh a nihna chhan hi Mamit SP, Pu HL Thangzuala’n a remtih loh vang a ni a, SP hian Mizoram Police Act, 2011 Rules No. 128 tlawh chhanin Bru ten Kanhmuna intawhkhawm an tum chu a remtih loh thu a chhuah a ni. Heti chung hian inventhawn thil thuah Mamit SP chuan Kanhmun Police Station Area huam chhungah Police \hahnem tak a duty tir a ni.
Mizoram Bru Displaced People Coordination Committee hian an thilphut chungchangah vawiin chawhnu khan Kanchanpur-ah thuthar thehdarhtute an kawm a, hetah hian an thilphut chi hrang hrang an tarlang a, chung zingah chuan Bru te tan Mizorama Area Development Council din te, Mizorama an let huna an eizawn nan chhungkaw tin tan ram hectare 5 \heuh pek te, an chenna tur khua a hrana din te, an awmna Relief Camp an chhuahsan hmaa anmahni chhawmdawlna tur sum pek hmasak te, Camp chhunga an awm lai ngeia an Electoral Roll ennawn sak te, kum 2016-a Mizoram mi enfiahnaa hma \helh nia sawi chhungkaw 1000 vel la awm te enfiah hmasak leh an chungchang chinfel hmasak te, in dang tawh chhungkua te ration card siamfel sak hmasak te leh Bru Camp-a awm thubuai neite thubuai ngaihtuah zui lova thaibo sak te a tel a ni.
