Zirlai exam beitu 12,324 zinga 9677 an pass a, hei hi za zela 78.52 a ni a, nikuma Pass Perventage 78.94 aiin, 0.42 in a hniam zawk a ni.
HSSLC Pass tharte hi Regular student 9,590 leh Private-a exam 87 an ni a; mipa 4461 leh hmeichhia 5216 in an pass a a ni. Distinction-ah 431 an pass a; First Division-ah 2806, Second Division-ah 4049 leh Third Division-ah mi 2391 an pass a. Pass zo lo zirlai 2551 leh Compartmental Chance nei zirlai 96 an awm a ni. Compartmental chance neite tan hian August ni 11-ah District Headuarters 3 Aizawl, Lunglei leh Siaha-ah te exam buatsaih a ni ang.
Arts Subject bikah chuan Aizawla Greenland Higher Secondary School zirlai Christina Lalchhandami, Pu Lalrawna fanu chuan Mark 500-ah March 454 hmuin a pumpuiah pakhatna a ni a. Zirlai exam 9470 zinga 7377 pass-in, pass percentage chu 77.90 a ni a. Compartmental Chance nei zirlai 77 an awm a, hlawhtling zo ve ta lo zirlai 2016 an awm bawk.
Science Subject-ah pawh Zirlai Exam zawng zawng 2,267 zinga 1800 an pass a, pass percentage chu 79.40 a ni a. Science Subject bikah hian Aizawla St. Pauls Higher Secondary School zirlai Lalremsiama Darchhun, Pu Vanlalpeka fapa chu pakhatna a ni a, Mark 470 a hmu a ni. Compartmental Chance nei zirlai 19 awmin, hlawhtling zo ve ta lo zirlai 448 an awm a ni.
Commerce Subject-ah chuan a pumpuia Marck 455 hmutu, Aizawla St. Joseph Higher Secondary School zirlai Lalhriatpuia Ralte, Pu Lalthanpuia fapa chu pakhatna a ni a. Zirlai exam 587 zingah 500 an pass a, pass percentage chu 85.18 a ni a. Compartmental Chance nei awm lovin hlawhtling zo ve ta lo zirlai 87 an awm bawk.
HSSLC Examination, 2020 Result tihchhuah takah hian Regular-a exam 12114 zinga 9,590 an pass a, pass percentage chu 79.16 a ni a. Private-a Exam 210 zinga 87 pass-in, pass percentage chu 41.43 a ni a. Form fill-up si exam leh ta lo zirlai 285 an awm a. Arts Subject zirna School zingah zirlai zawng zawng fail-na a awm loh laiin Science zirna leh Commerce zirna-ah pakhat ve ve, zirlai fail vekna a awm a ni.
