Hetihlai hian Lai Autonomous District Council chuan mipui punkhawmna, LADC Hall, Dokulha Hall, BRC Hall, Picnic Spot leh Conference Hall dang reng rengah vantlang puipunna programme buatsaih lo turin Lawngtlai mipuite a hriattir a, sorkar laipui leh state sorkarin ramri, international border a kharte bawhchhia a, ram dang mi dan lova LADC chhunga an luh loh nan khawtina Village Council te leh tlawmngai pawlte a \ul anga hma la \heuh turin a ngen a ni. Deputy Resident Commissioner, Lai House Aizawl, Revenue Officer, LADC Sub Hqrs. Bualpui NG, Sangau Division leh Diltlang (S) Division, Asst. Revenue Officers, Lungtian Division, Chawngte P Division, Bungtlang S Division, Va\huampui Division te chu a \ul anga hma la turin LADC GAD chuan a hriattir a, LADC hnuaia Elementary School zawng zawngte thu chhuah a\anga thu leh awm hma tan khar turin a hriattir bawk a ni.
Reiek Village Council & All NGO Joint Committee chuan sorkar thuchhuak bawhzuiin Reiek tlang leh Reiek tlang behbawma intihhlimna hmun te naktuk a\angin a khar rih dawn a, an thuchhuah hi thu leh awm hma chu hman a ni ang.
Aizawl City Bus Owner’s Association chuan Covid-19 laka an him nan City Bus Driver leh Conductotr te hnenah a thlawnin hmaituamna a sem a ni.
Hetihlai hian Mizoram chhunga Kohhran hrang hrangte chuan Covid-19 laka Mizoram mipuite an him nan Kohhran programme hrang hrang duan lailawk leh tihdan phung pangngaia Pathian Biak Inkhawm neih \hin te an titawp lailawk a, Kohhran \henkhat chuan zanin Nilai zan inkhawm thleng a pangngaiin an kalpui ang a, Kohhran \henkhatah chuan Pathianni thleng inkhawm pangngai an chhunzawm ang a, Kohhran engemawzatin tun thla chhung atan inkhawm an ti tawp lailawk a ni.
