He inkhawm hi Mizoram State Commission for Child Right Protection Chairperson, Pi Sangzuali Vanchhawng-in a a hmanpui a, chawhma lam chu an pawl Adviser, Pu Lalbuatsaiha’n kaihruaiin, an pawl hmalakna hrang hrang ngaihthlak a ni a, chawhnu lamah Mizoram Blind Society President, Pu K. Lalhmingsanga kaihhruaiin ro an rel a, an thurel pawimawh zual zingah mitdel leh pianphunga rualbanlote zinga khawsak harsa leh sorkar hnathawk ve thei lote tana Social Welfare Department kaltlanga Disability pension thla tina Rs. 250 pek \hin chu tunlai sum hlutna tlahniam zel mila thla tin Rs. 1,000/- aia tlem lova tihpun a nih theih nan leh rualbanlo zinga lehkha thiam, employment-a in registered tawhte hnena unemployment allowance thla tina Rs. 250 pek \hin chu Rs. 1,000/- aia tlem lova tihpun ngei a nih theih nan Mizoram sorkar nawr ni se, hemi chungchangah hian Chief Minister leh Larsap hnenah memorandum thehluh ni se an ti a. Mizoram Blind Society Member zinga a bika chhawmdawlna leh \anpuina mamawh, persons with benchmark disabilities with high support need category zinga awmten Rights of Persons With Disabilities Act, 2016 in a sawi anga a bika sorkar a\anga \anpuina leh chhawmdawlna an hmuh theih nana theihtawpa hmalak ni se, Mizorama Blind zirlaiten kum 2019 a\ang chuan mitdel hawrawp hmanga ziah zirlaibu a thlawna an dawn theih nan Social Welfare Dept. thawhpui ni se, Mizorama mitdelte leh pian phunga rualbanlo dangten an dikna chanvo leh ham\hatna an hmuh theih nana sorkar laipuiin PWD Act 2016 a duan chu a nih tur ang taka hman a nih theih nan Social Welfare Dept., Persons With Disabilities Commisioner leh Mizoram State Commission for the Protection of Child Rights te thawhpui ni se an ti a ni.
