Pianphunga rualbanloten ham\hatna tam zawk an hmuh theih nana Chief Minister hnena rawtna an thlen chu a tihhlawhtlin theih nan chak zawka hmalak ni se an ti. An thurel dang zingah Mizoram Blind Society member zinga mahni intun nun nana Aizawl bazar leh hmun danga zai\hinten Mizoram Sorkar leh Sorkar laipui a\anga eizawnna tha zawk an lo neih theih nana Rights Of Persons With Disabilities Act, 2016 tlawhchhana hmalak ni se tih te, Department hrang hrangin an hmalaknaa pianphunga rualbanlote tana tih tur leh mawhphurhna danin a pekte a taka an tihlawhtlin theih nan Mizoram State Legal Services Authority thawhpui ni se tih te, Social Welfare Department-in mitdel hawrawp chhutna bun tura hma an la chu lawmawm an ti a, hei hi kumin March thla ral hma ngeia a hlawhtlin theih nan Department hmalakna thawhpui ni se tih leh mitdelten Mizoram chhungah ngei UPSC Prelims an exam ve theih nan hmalak ni rawh se tih a tel a ni.
