CM hnena lehkha an thehluhah hian Mizoram Blind Society chuan, Mizoram State Advisory Board on Disability chu chak zawka hnathawk thei tura siam tur te, District hrang hrangah District Level Committee on Disability din tura \anla tur te, Mizorama mitdel leh pianphunga rualbanlote zinga khawsak harsa leh sorkar hnathawk ve thei lote tana Social Welfare Department kaltlanga Disability pension thla tina Rs. 250 pek \hin chu Rs. 1000 aia tlem lova tihpung tura rawtna te, mitdel leh pianphunga rualbanlote zinga lehkha thiam, sorkar hna la hmu ve lo, employment-a in registered tawhte chu unemployment allowance thla tin Rs. 250 pek \hin chu Rs. 1000 aia tlem lova tihpun rawtna te a ni a. Hei bakah hian, pianphunga rualbanlote enkawlna tur sum Budget Head-ah a hranpaa dah tur te, Mizoram Sorkar hnuaia hnathawk tur lak a nih reng rengin hna nghet nghal kher lovah pawh zaa 4 zel hauh sak \hin tur te, Group “A” a\anga Group “D” post-ah pianphunga rualbanlote tan hnalak a nihin an rualban loh dan a zir zela duhsak \hin tura an rawtna te an thlen a ni.
