A hmanpuitu Social Welfare Minister Dr K Beichhua chuan, mitdelte chu vanduai bika inngai lo tura chahin Pathianin malsawmna tam takin a vur a, zirnaah pawh mi pangngai tluk loh khawpa hlawhtling leh double post graduate degree leh Ph.D hial neite pawh an awm a ni, a ti. Dr. K Beichhua chuan Mizoram Blind Society member te chu thurawn an neihte a hnena thlen \hin turin a sawm a ni. Minister hian white Cane Day pual-a Torchit Electronic, Ahmedabad in an rawn pek mitdel tiang, pakhat Rs 3000 man chu mitdel 24 te hnenah a thlawnin a hlan a ni.
MSB hian NIELIT nen tangrualin an member te tan computer training an buatsaih a, hetah hian mi 11 in Course on Computer Concepts (CCC) an zo a, SLET leh NET Exam beitute tan Writter Allowance Rs 1000 an hmuh theih dan tur an lo dilchhuak tawh a, University ah writer leh reader allowance an dilchhuah tawh bakah Mizoram sorkar hnuaia Group A & B hna examah mitdel te leh kut leh ke hmang tha thei lote tan exam phalna an lo dilchhuak tawh bawk a ni. White Cane Day hmanna inkhawm hi MSB Adviser Lalbuatsaiha’n a kaihruai a, Social Welfare & Tribal Affairs Department Joint Director, Pi Vanlalzawni, MSB President K Lalhmingsanga leh Prof Chawngsailova ten thu an sawi a ni.
