Vawiina an party hruaitu hrang hrang a puanchhuahna inkhawmah Pu Vanlalhmuaka chuan, an party chuan Mizoramah hma a sawn zel niin a sawi a, cheksawlh leh neksawrin awm mahse Mizoram leh hnam tan theih tawp an chhuah zel dawn tih a sawi a, eirukna do an tum thu leh mizo mipuite an chanvo diktak an chan hunah BJP chu an la fak tur thu a sawi. Pu Vanlalhmuaka chuan, Party \henkhat hruaituten thudik chanve hmangin mipuite an bum \hin niin a sawi a, tunlai khawvelah thudik chu a tlo lo a ni a ti. Pu Vanlalhmuaka chuan, Mizoram hmasawn dan chu a lungchhiat thlak hle niin a sawi a, mipui nawlpuiin an hriat aia nasain a chhia a ni a ti a, Mizoram chu Kristian ram a nih ang ngeia dik tak leh fel taka rorel anih theihna turin kum 2023 Assembly inthlanpuiah thuneihna chang turin hma an la dawn tih a sawi.
Pu Vanlalhmuaka hian an party hruaitu thar te puang chhuak nghal a, Vice President-ah Dr. BD Chakma MLA, Dr LR Colney leh Pu JB Rualchhinga te an ni a, General Secretary-ah Pu R.Vanramchhuanga leh Pu Malsawmtluanga, Mahila President-ah Pi Lalremsangi, State thupuangtu atan Pu Lal Hriatrenga Chhangte, IT & Media Secretary-ah K.Vanlalruati leh Pu Johnny Lalthanpuia te ruat an ni.
