Zonet thudawn danin, Mizoram Bar Association hian vawiin khan Gauhati High Court Aizawl Bench-a Judge, Justice Nelson Sailo hnenah PIL hi an thehlut a, hei hi ngaihtuah zui tlak a nih leh nih loh Court chuan naktukah a enfiah dawn a ni. MBA-in High Court-a PIL an thehluhah hian ruahmanna thar anga ni khata lirthei number tawp 2 zel din chu mimal zalenna rahbehnaa an ngaih thu an sawi a. Lirthei intlanchhawk chu harsatna chinfel dan kawng \ha ber nia an hriat loh thu te, Aizawl khawpui chhunga Traffic Jam nasa lutuk tiziaawm tur chuan kawng sira lirthei dahnna hmun tam lutuk chu tihtlem ni se, a aiah Dropping Zone tam zawk siam ni se \ha an tih thu te, kawngpui hnaia workshop tam lutuk leh Iron Rod zuar tam lutuk te, kawng sira dawr t> inhawng tam lutuk chu lirthei ti tawttu an nih avangin tihtlem ni se, kawngpui tawn tawna lirthei inhung \hinte pawh a awm tawh loh nana hmalak chu harsatna chinfel dan kawng awlsam ber nia an hriat thu an tarlang a ni.
Puan tawh angin kumin April ni 25-a Coordination Committee on Traffic Management \hukhawm chuan lirthei intlan chhawk dan thar hi an siam a, ruahman dan chuan thawh\anniah lirthei number 1 leh 2 a tawpte an tlan thei dawn lova, thawhlehniah 3 leh 4, nilainiah 5 leh 6, ninganiah 7 leh 8 leh Zirtawpniah 9 leh 0-a tawpte an tlan thei dawn lo a. Lirthei intlanchhawk hian Sorkar chawlh, Inrinni leh Pathianni te a huam lo thung a ni. He ruahmanna thar hi June thla chhung en chhin phawt tura tih a ni.
Ukil intelkhawmin Sorkar ruahmanna High Court-a an khin chungchanga Zonet zawhna chhangin, Traffic Management Coordiantion Committee hruaitute chuan, lirthei intlanchhawk dan ruahmanna thar chu mipui harsatna siam tumna lam a ni lo tih an sawi a. Hei hi mipui remchan zawkna tura a enchhinna tur mai a ni a, a \ha lo nia hriat a nih chuan hmanzui kher a ni dawn lo tih sawiin, he ruahmanna hi MBA lamin Court-a a khin tak avangin enchhin a nih tur leh tur loh chu Court thutlukna a ni tawh tih an sawi.
