Mizoram Baptist Kohhran Hmeichhe Pawl Inkhawmpui vawi 50-na, Lunglawn Khelmuala February ni 1 atanga ni 4 thleng neih tur atan inbuatsaihnain a vawrtawp a thleng ta. Inkhawmpui neihna tur Pandal, mi 5,500 vel leng tura sak chu peihfel a ni tawh a, naktuk zanah Pathian hnenah hlan a ni ang. Pandal hi a dung feet 180, a vang feet 150 a ni a, BCM Kohhran puipate pawhin an enpui tawh a ni. Tun tuma MBKHP inkhawmpui lian thupui atan hian ‘Lalpa lo kal lehna’ tih hman a ni a, thupui hi a sawi tura thlan mi hrang hrangin an sawi ang a, chung zingah chuan MBKHP President, Pi F. Lalrochami leh Vice President, Pi C. Remmawii te pawh an tel a ni. February ni 1, Inkhawmpui tan zanah chuan Senior Adviser, Upa C. Hmingliana’n Pathian thuchah a sawi ang a, a tukah nilengin BCM Lunglawn East Kohhran Biak Inah rorel a ni ang a, hemi chhung hian Pandal-ah seminar neih a ni ang a, thupui atan ‘Nu hote leh tunlai khawvel’ tih hman a ni ang.
