A hmanpuitu Health minister Dr R Lalthangliana’n AYUSH directorate chu a thar a nih avangin a tir atanga fuke kimin a awm thei dawn lo tih thawktuten hria se a duh tih a sawi a. Directorate tih changtlun kawngah theih tawp chhuahin, kawng dap mek a ni a ti. Dr R Lalthangliana hian, AYUSH zirchhuakte chu sorkara luha thlabi hlawh lak tum ngawr ngawr loa, zirna bingna research beia \an la turin a fuih a. Pathianin Mizorama ram hmul leh thing damdawi tam tak a dah haichhuak a, state dangte entawntlak ni tura \an la turin a chah a ni. Tunhnaia Delhi-a a kal tumin Ayush ministry dawrin Mizorama district awmsa 8 bakah district thar pathuma dah tur Ayush doctor post 40 tal siamsak turin a a ngen tih a sawi.
Mizoram AYUSH Doctors’ Association-ah hian member inziaklut 189 an awm mek a, AYUSH doctor post 11 Mizoram sorkarin a siam tawh a ni. AYUSH Doctors’ Association hian Ayush directorate thar a ding ta chu sorkar chungah an lawm hle tih an sawi a, sorkar chu post nghet tam zawk siamsak turin an ngen tih an sawi bawk.
Inkhawm hi an pawl President Dr. C. Vanlalhlimpuia’n a kaihruai a, Health Principal Director, AYUSH Department Director ni bawk Dr. F. Lallianhlira pawhin thu a sawi a ni.
