Mizoram Assembly Session ni hnih awh chu vawi chawhnu dar 3:20 khan tiam chin awm lovin Assembly Speaker, Pu Hipheia’n a titawp. Tihtawp hmaa thusawiin Pu Hiphei chuan he session hi tuna Mizoram Assembly 7-na \hutkhawm vawi 16-na leh tuna Assembly dinglai session hnuhnung ber tur a ni tawh dawn tih sawiin member te chu Assembly thara an inhmuhkhawm leh theih nan duhsakna a hlan a, tun \um session-a thiltih te sawiin Speaker chuan Deputy Minister lo tawh Pu PB Nikhuma, kumin April ni 11-a thi House-ah s<n a nih thu te, House-ah report pasarih thehluh a nih bakah sorkar lehkha pawimawh pakua pharh a nih thu te, Bill pahnih, The Sinlung Hills Council Bill, 2018 leh The Mizoram Public Demands Recovery (Amendment) Bill, 2018 pass a nih bakah Citizenship Amendment Bill, 2016 sorkar laipuiin pass a tum duh loh lantirna tur official resolution Home Minister, Pu R. Lalzirliana putluh te lungrual taka pass a nih thu a sawi a ni.
