Mizoram Assembly inthlannaah BJP-in sum nasa takin an chelek tih leh chak hle tura an inngaih laia chak lo thei an ni tih MPCC President, Pu Lal Thanhawla’n nimina Congress Bhavan-a a sawi chu an tlawm tur aurawl niin an sawi.

Hemi chungchanga thuchhuah an siamah BJP chuan Mizoram Assembly inthlanna atana vote thlak ni khan MPF-in sum sem tur an man nual a, man loha an sem tih hriatchian pawh tam tak a awm nia sawiin, hetihrual hian Hindu Party tia an chirhtheh BJP chuan sum sem tur hi an nei ve lova, MPF-te man pawh an awm lo niin an sawi. BJP chuan, mitin tana hmasawnna tih bak tlangaupui tur an nei lova, hetiang a nih mek laia sum sem anga puh an ni chu \ha lo an tih thu sawiin Pu Lal Thanhawla dawi sa ei an awm em ni tih tur ang hiala Pulpit tlang leh chanchinbua thu dik lo hmanga mipui rilru hruai dik lotute chuan engtik niah emaw an tuhrah chu an la seng ve ngei an ring tih an sawi.

BJP chuan sum sem tur anga mi \henkhatin an puhna chu an dinna Assembly bial 39-a a dik lo tih hretute chu mipuite niin an sawi.